Transcription
1
Monsieur, jay ce matin receu votre letre du XVIIe et ay envoyé
2
la siene à monsieur de St André et pour ce que jestoys sur
3
le poynt dentrer, nous n’avons encores parlé ensemble. Je
4
me veulx asseurer que naurés aulcung ennuy de ce que jay
5
balié ses letres à monsieur Narcie qui ha esté receu et
6
trové fort sofisent par toutz messieurs, et espère que monsieur
7
Faure satisfera à ce que monsieur Revol luy en ha escript. Quant
8
à ceulx du païs, ilz ne m’ont en r[i]en trompé dy user de longueur.
9
Bien vous diray je que je suys bien garny de garentie car
10
le propos que je vous ay escript feut rapporté par monsieur
11
de Grenoble en pleyne cour lendemeyn de la remonstrance que
12javoys faict en icelle à messieurs les commis. [barré : Il y ] Ledit sieur
13
de Grenoble ma mandé ce matin après avoyr veu votre letre
14
par maître Fustier que hyer lesdits sieurs commis vous ont
15
escript de sorte que jestime quavés à cestheure receu le tout.
16
Quant au recontre d’Anthoine mon filz, je prie à Dieu quil luy done
17
quelque moys de vous fère humble service. Jeusse bien volu quil heut pris
18
aultre chemin, mès puys quaultrement ne peut estre, il fault que
19
je vous confesse que ce mest quelque consolation de le voyr employé
20
pour lhoneur de son Dieu, le service de son roy et le votre, et pour
21la liberté de sa [barré : partie ] patrie. Je vous confesseray plus oultre
22
que le jugement quil vous en plait fère venant de segneur si
23
vertueux mapporte grand contentement. Je vous prieray seulement que
24
comme lon peynt l’amour aveugle la bone volunté quil vous plait nous
25
porter ne covre rien de ses imperfections. Quant au succès
26
du capitaine Jean Baptiste, jattendray encores à men prometre rien
27
de trop sinistre jusques à ce quel que aultre fouyard aye rechargé
28
la nouvelle. Quant à la poursuiste que desirés que je surçoyee de ladjournement
29
personel de monsieur de la Forge et aultres que javoys oublié par
30
mon aultre depeche, messieurs les gens du roy escrivent à maitre la Boysse
31
de ny toucher. Je prieray sur ce le Createur,
32
monsieur, vous donner et santé heureuse et longue vie.
33
De Grenoble, ce XIX mars 1574
34
Votre très humble et obeissant
35
serviteur G. Deportes